Mamosteyên kurdî nas bikin

Mamoste Emîn Akbaş di sala 1960î de li gundê Şimiza girêdayê navçeya Qubînê ji dayik bûye. Di sala 1980’î de Zanîngeha Amedê Beşa Perwerdehiyê qedandiye. Li welêt mamostetî kiriye û paşî koç kiriye Almanyayê. Di sala 1993’an de, dema dersên kurdî yekem caran di dibistanan de bi awayekî fermî hatin dayîn li Bremenê, Emîn Akbaş yek ji her du mamosteyên pêşîn ên dersên kurdî bû. Ji wê demê ve, wek mamosteyê kurdî karê xwe berdewam dike. Di nav salên dirêj ên xebat û xizmetên wî yên ji bo zimanê kurdî, mamoste Emîn berpirsiyariyên wek serokatî û rêveberiya Yekîtiya Ezîdiyan û Yekîtiya Mamosteyên Kurd jî kiriye. Di nav salan de gelek pirtûk û berhemên wî hatine weşandin.

Mamoste Abdulkadir Ulumaskan, di sala 1965 an de li Bakurê Kurdistanê, li Wêranşarê ji dayik bûye.  Piştî xwendina dibistana serate, navîn û perwerdeya bilind, 3 salan li Tirkiyeyê mamosteyî kiriye û di sala 1995 an de jî hatiye Almanyayê. Wî li Almanyayê perwerdehiya Pedagojiya Pirzimanî, Zimanê Dayikê û Zimanê Kurdî wek Zimanê Biyanî dîtiye. Di navbera salên 2003 - 2017 an de li Dibistana Bilind (Volkshochschule) ya Ahlenê dersa zimanê kurdî daye. Dîsa ji 2017 heta 2020 an li dibistana bilin û zanîngeha Bielefeldê mamosteyiya dersên kurdî kiriye. Ji sala 2011 hetanî 2014 an li Almanya herêma Munsterland li dibistanên serate û navîn, dersên kurdî daye. Ev 10 salên dawî ne jî (2014-24) li bajarên Bielefeld û Herfordê li dibistanan mamosteyiya dersên kurdî dike. Endamê rêveberiya Yekîtiya Mamosteyên Kurd li Awrûpa û berpirsyarê vê saziyê yê materyalên dersên zimanê kurdî ye. Mamoste di heman demê de hevkarê Yekmalê ye û di Akademiya Yekmalê de hevkariyê dike.

Wek nivîskar jî hinek pirtûkên wî hatine çapkirin. Dîsa bi hevkariya hin kesan û Komisyona Materyalan ya Yekîtiya Mamosteyên Kurd, di amadekirina pirtûkên jêrîn de xebitiye û hej jî van xebatan berdewam dike.

1. Ferhenga kurdî-almanî, A. Ulumaskan, Weşanên Ensîtuya Kurdî, 2010, Almanya
2. Ferhenga kurdî û tirkî, A. Ulumaskan, Fewzi Özmen, Weşanên Dara, 2022, Amed
3. Ferhengoka kurdî û almanî, A. Ulumaskan, Weşanên Soran, 2017, Almanya
4. Ferhenga kurdî-almanî, A. Ulumaskan, Cahit Kaplan, Weşanên YMK, 2021, Almanya
5. Destpêka Hînbûna Kurdî, A. Ulumaskan, H. Yigit, Weşanên YMK, 2009, Almanya
6. Dersên Olî, A. Ulumaskan, Y. Bilgiç, Cahit Kaplan, Weşanên YMK, 2012, Almanya
7. Pêngav 1 Xebat, A. Ulumaskan, Mahmut Aydin, Weşanên YMK, 2013, Almanya
8. Kurdî 1 Xwendin, A. Ulumaskan, Mahmut Aydin, Weşanên YMK, 2013, Almanya
9. Xwendin û Nivîsandin, A. Ulumaskan, M. Aydin, Weşanên YMK, 2017, Almanya
10. Asta Navîn, A. Ulumaskan, F. Özmen, Y. Bilgiç Weşanên YMK, 2018, Almanya
11. Malwêran (roman), Abdulkadir Ulumaskan, Weşanên Soran, 2017, Berlin
12. Çûkê Reş (çîrok), Abdulkadir Ulumaskan, Weşanên YMK, 2014, Almanya
13. Çîroka Newrozê (bi kurdî û almanî), A. Ulumaskan, Weşanên YMK, 2013, Almanya
14. Şahmaran (çîrok), Abdulkadir Ulumaskan, Weşanên YMK, 2014, Almanya
15. Masiyê Reş î Biçûk (çîrok/werger), A. Ulumaskan, Weşanên YMK, 2011, Almanya
16. Xoxek Hezar Xox (çîrok/werger), A. Ulumaskan, Weşanên YMK, 2013, Almanya
17. Çîroken Hezar û Şevekê (werger), A. Ulumaskan, Weşanên YMK, 2013, Almanya
18. Perwerda Duzimanî, (werger), A. Ulumaskan, Weşanên Ensîtuya Pedagojiyê, 2017, Almanya
19. Gencîneya Peyvên Bingehîn, A. Ulumaskan, Fewzi Özmen, Samir Abde, YMK, 2023, Almanya